Wayne Rooney beson se Liverpooli e meriton titullin në Premierligë dhe këmbëngul se ky sezon duhet të mbarojë për t’u vendosur se kush e siguron promovimin, kush bie nga liga dhe kush kualifikohet në garat evropiane.

Sezoni 2019/20 i Premierligës është hedhur në dyshim serioz nga pandemia koronavirus, pasi momentalisht është i pezulluar të paktën deri më 2 maj për shkak të krizës shëndetësore në gjithë botën, transmeton Gazeta Express.

Duke qenë se Liverpoolit i duhen vetëm gjashtë pikë për ta fituar titullin e parë në ligë pas 30 vjetëve – ish-ylli i Manchester Unitedit, i cili e përkrah klubin rival të qytetit të Liverpoolit, Evertonin – ndien se të kuqtë e meritojnë trofeun dhe se ai nuk duhet t’iu mohohet me anulim të sezonit.

Sulmuesi dhe kapiteni i Derby County Rooney mendon se sezoni në Premierligë do të kompletohet pasi koronavirusi Covid-19 të zbutet.

“Liverpooli do ta fitojë Premierligën. Ka qenë ekip fantastik. Ka bërë punë shumë të madhe. E meriton titullin. Mund ta imagjinosh të presësh 30 vjet dhe pastaj të të merret titulli në këtë mënyrë? Vendimi i drejtë është marrë”, ka shkruar Rooney në kolumnën javore në gazetën britanike Times. /Gazeta Express/