AC Milan ka bërë një hap të veçantë për ndeshjet e SuperKupës Italiane, duke thirrur 19-vjeçarin Maximilian Ibrahimovic, djalin e legjendarit Zlatan Ibrahimovic, në skuadër.

Ky është një lajm i madh për tifozët e Rossonerëve, pasi 19-vjeçari mund të debutojë në një nga dy ndeshjet që do të zhvillohen në Arabinë Saudite.

Maximilian është një nga gjashtë lojtarët e ekipit të rezervave që udhëtuan me skuadrën e parë për shkak të listës së gjatë të dëmtimeve. Trajneri Massimiliano Allegri komentoi:
"Ata kanë aftësi të mira. Desha t’i shpërblej për punën që po bëjnë në stërvitje."

Milan, finalisti i Coppa Italia, përballet me kampionët e Serie A, Napoli, në gjysmëfinale të Supercoppa. Ndeshja tjetër do të jetë midis fituesve të Coppa Italia, Bologna, dhe vendit të dytë të Serie A, Inter Milan, ndërsa finalja është planifikuar për të hënën.

Pavarësisht rezultateve të dobëta ndaj ekipeve të sapongjitura në Serie A këtë sezon, Milan ka mundur të fitojë ndaj skuadrave të tjera kryesore, përfshirë Napoli-n. Allegri shtoi:
"Kjo është një ndeshje krejtësisht ndryshe, një përballje direkte ku synimi është finalja. Napoli është shumë i fortë dhe do të jetë i zemëruar pas humbjes ndaj Udinese."

Milan fitoi Supercoppa Italiane për herë të tetë sezonin e kaluar, duke mposhtur Inter-in në finale dhe duke i dhënë fund tre titujve radhazi të Nerazzurrëve. Napoli ka fituar trofeun dy herë (1990 dhe 2014), ndërsa Bologna, pas 51 vitesh pritjeje për një trofe të madh, nuk ka arritur kurrë të ngrejë Supercoppa-n.

Ky mund të jetë një moment historik për Maximilian Ibrahimovic, i cili mund të ndjekë hapat e babait të tij legjendar dhe të shkruajë historinë me Milan. /GazetaExpress