Rumania e ka nisur me fitore Kampionatin Evropian “Gjermania 2024”.
Rumunët triumfuan bindshëm 3:0 ndaj Ukrainës në duelin e zhvilluar në “Allianz Arena”.
Stanciu kaloi Rumaninë në epërsi në minutën e 29-të të ndeshjes, rezultat me të cilin edhe u mbyll pjesa e parë.
Fillimi i të dytës ishte fantastik për rumunët që shënuan edhe dy herë tjera, shkruan Gazeta Express.
Marin dyfishoi epërsinë në minutën e 53-të, kurse katër minuta më pas Dragus e vulosi fatin e këtij takimi për epilogun 3:0.
Me këtë fitore, Rumania shkon në tri pikë në pozitën e parë në grupin E.
Ukraina është e fundit pa pikë, kurse prej orës 18:00 zhvillohet ndeshja tjetër e grupit mes Belgjikës dhe Sllovakisë. /Gazeta Express/
