Shërbimi Federal i Sigurisë në Rusi ia ka ndaluar gazetarit ukrainas, Taras Ibrahimov, hyrjen në këtë shtet dhe në rajonin e pushtuar të Krimesë për 34 vjetët e ardhshëm.
Ibrahimov, i cili punon për Radion Evropa e Lirë në Ukrainë, tha se atij i është dorëzuar urdhri me shkrim personalisht, por nuk i janë dhënë sqarime për këtë vendim.
“Unë përfundimisht besoj se kjo është e lidhur me gazetarinë time dhe publikimet e mia që kanë të bëjnë me Krimenë”, tha Ibrahimov.
Gazetari gjithashtu tha se është fotografuar dhe i janë marrë shenjat e gishtërinjve në kufirin administrative të Krimesë.
Në shkurt të vitit të kaluar, fotografes Alina Smutko, e cila gjithashtu punonte për Radion Evropa e Lirë, iu ndalua hyrja në Rusi dhe Krime deri në vitin 2028.
Grupet për mbrojtjen e të drejtave të njeriut dhe qeveritë e shteteve perëndimore e kanë dënuar atë që e quajnë fushatë të shtypjes nga autoritetet kundër tatarëve të Krimesë dhe të tjerëve që kanë folur kundër pushtimit ushtarak të gadishullit, shkruan “Free Europe”, transmeton Gazeta Express.
