Aktorja e serialit indian "Bidaai", Sara Khan ose siç e njohim ndryshe "Sadna" bëri një ndërhyrje në fytyrë vitin që lamë pas. Ajo fryu buzët dhe rezultatin e tregoi me një foto të publikuar në Instagram.
Ky ndryshim i aktores nuk u pëlqye aspak nga fansat dhe kritikat ishin të shumta. Së fundmi në një intervistë për mediat indiane, Sadna ka pranuar se i kishte fryrë buzët por i kishin dalë katastrofë. Ajo u shpreh se mezi priste që mbushja të shpërbëhej, siç dhe ka ndodhur. Aktorja tani i është kthyer pamjes së mëparshme.
“Unë nuk bëra ndonjë ndryshim në fytyrë, jam e njëjta. Po, i fryva buzët por doli katastrofë dhe nuk dukesha aspak mirë. Ishin shumë keq, nuk më shkonin fare. Nuk më pëlqenin buzët e mia prandaj i fryva. Mezi prita që mbushja të shpërbëhej. Nuk më pëlqente vetja asokohe”, tha Sadna./ "Revista Who"
