Koronavirus ka kapluar gjithë botën duke shkaktuar panik të madhe.
Gjatë ditëve të kaluara, nga e gjithë Europa kanë ardhur lajme në lidhje me pozitivitetin e lojtarëve të ndryshëm me CONVID-19.
Pothuajse brenda 24 orëve, vetëm Seria A ka shënuar disa të prekur, si Rugani i Juventusit, Gabbiadini, Colley, Ekdal, La Gumina, Thorsby dhe Vlahovic, por, në një situatë të tillë emergjente qarkullojnë edhe “fake news” në internet, fatkeqësisht.
Në Egjipt u përhap lajmi se Mohamed Salah kishte rezultuar, gjithashtu, pozitiv në provën e tamponit.
Në të vërtetë, kampioni i Liverpoolit nuk është prekur nga koronavirusi.
Këtë e ka bërë të ditur agjenti i lojtarit, Ramy Abbas, i cili ka reaguar ashpër përmes një postimi në Twitter.
“Sa e turpshme që diçka kaq e ndjeshme botohet me njohuri ose burime zero..., vetëm për klikime. E pështirë dhe e tmerrshme në të njëjtën kohë”, ka shkruar ai.
How shameful that something so sensitive is published with zero knowledge or sources... just for clicks. Disgusting and horrifying at the same time. https://t.co/I0ytdpuWfL
Koronavirusi ka ndalë gjithë futbollin nëpër botë.
Tani për tani, gjitha kampionatet pothuajse janë suspenduar.
Edhe ndeshje të shumta ta kombëtareve të parapara të zhvillohen në fund të muajit mars dhe në fillim të prillit, janë anuluar.
FIFA ka kërkuar që të anulohen gjitha, përfshirë edhe ajo mes Maqedonisë dhe Kosovës, që do të luhej në kuadër të play-off të Nations League në luftën për një vend në Kampionatin Evropian, që gjithashtu rrezikon të shtyhet.
Pavarësisht datave që kanë dhënë ligat, ende nuk dihet se kur do të nisin kampionatet, e gjithë kjo për shkak të përhapjes me shpejtësi të virusit vdekjeprurës CONVID-19. /Gazeta Express/
