Salma Hayek rrëmbeu vëmendjen e të gjithëve teksa shkëlqeu në një fustan glamuroz me xixa gjatë paraqitjes së saj në Çmimet “Kering Women In Motion 2025”, që u mbajtën të dielën në kuadër të edicionit të 78-të të Festivalit të Filmit në Kanë.
Aktorja ikonë e filmit Frida, tashmë 58 vjeçe, magjepsi me pamjen e saj në një fustan të gjatë në ngjyrë jeshile petrol, të zbukuruar me pupla në ngjyrë smeraldi, që i jepte një prekje ekstravagante dhe elegante njëkohësisht.
Ylli meksikan shfaqi linjat me një fustan dekolte, që e kombinoi me një çantë dore në të njëjtën ngjyrë.
Salma, e njohur për stilin e saj klasik dhe gjithmonë glamoroz, kompletoi pamjen me flokë të ngritura në një topuz elegant, ndërsa aksesoi me gjerdan diamanti dhe unaza të ndritshme, duke shtuar edhe më shumë shkëlqim.
Në event ajo u shoqërua nga bashkëshorti i saj miliarder, François-Henri Pinault, CEO i gjigantit të modës Kering.
Çifti u duk shumë i dashuruar, duke shkëmbyer përqafime dhe puthje para kamerave, ndërsa pozonin për fotografitë zyrtare të Darkës Presidenciale të yjeve në Place de la Castre.
Festivali i Kanës 2025 dhe sfidat globale në botën e kinemasë
Këtë vit, Festivali i Filmit në Kanë zhvillohet në sfondin e një tensioni politik, pas deklaratës së ish-presidentit Donald Trump për vendosjen e tarifave ndaj filmave ndërkombëtarë.
Megjithatë, Kanë mbetet “Olimpiada e ekranit të madh”, një pikë takimi për regjisorë, distributorë dhe gazetarë nga e gjithë bota. Në fund të festivalit jepet edhe Palma e Artë, çmimi më i lakmuar në botën e filmit.
Regjisori brazilian Kleber Mendonça Filho, i cili rikthehet këtë vit me filmin triller “The Secret Agent”, të vendosur gjatë diktaturës në Brazil, u shpreh:
“Kur lëshon një film në atë situatë të ngjashme me një Koloseum… nuk ka kthim mbrapa”.
Festivalit i Kanës 2025 i mungon gjithsesi asnjë grintë apo magji, dhe paraqitja e ikonave si Salma Hayek vetëm sa e përforcon rolin e tij si qendra e kinemasë botërore. /GazetaExpress/
