Futbolli në Arabinë Saudite po përballet me një moment kritik që mund të ndikojë fort në të ardhmen e Saudi Pro League.
Edhe pse në sezonet e fundit liga ka tërhequr emra të mëdhenj të futbollit botëror dhe e ka revolucionarizuar tregun global, skadimi i kontratave të shumë lojtarëve kryesorë i ka vënë disa klube në një situatë të paparashikuar që po shqyrtohet nga klubet, agjentët dhe tifozët.
Në gusht 2026 një numër i konsiderueshëm futbollistësh me profile të larta do të jenë afër fundit të kontratave të tyre, duke nxitur pyetje mbi stabilitetin e skuadrave dhe objektivat e tyre sportive për sezonin e ardhshëm, shkruan “tuttomercatoweb”, përcjell “Gazeta Express”.
Mes emrave më të spikatur janë: Karim Benzema – i cili mund të mos rinovojë me Al-Ittihad, Fabinho, Danilo Pereira dhe Kalidou Koulibaly, të gjithë në prag të fundit të kontratave të tyre.
Gjithashtu, mesfushori Rúben Neves, si edhe figura sulmuese Sadio Mané dhe mesfushori Marcelo Brozović, që janë në skadim të kontratave në fund të sezonit.
Georginio Wijnaldum dhe Iñigo Martínez e plotësojnë listën e emrave të profilit të lartë që do të jenë të lirë në treg në verë.
Ky sezon ka qenë një nga më interesantët për ligën saudite, e cila ka investuar shuma rekorde për të sjellë kampionë si Cristiano Ronaldo, Karim Benzema apo Sadio Mané.
Por tani, kur baza e këtyre kontratave afrohet drejt fundit, klubet përballen me disa dilema strategjike: Rinovimi i emrave kryesorë, që kërkon negociata të vështira dhe kërkesa të mëdha financiare; Rikonstruktimi i skadimeve, me mundësi që disa prej këtyre yjeve të largohen drejt rivalëve kryesorë ose edhe drejt Evropës sërish, si dhe: Rritja e presionit për transferime të reja që mund t’i plotësojnë boshllëqet në ekipe, rëndësi kjo që po diskutohet gjithnjë e më shumë në mediat ndërkombëtare.
Përtej kontratave në skadencë, skuadrat saudite kanë gjithashtu ambicie të reja për të tërhequr yje të tjerë të mëdhenj, dhe mediat raportojnë se klube si Al-Ittihad, Al-Hilal dhe Al-Ahli po përgatiten të synojnë yje të tjerë të Evropës për ta përmirësuar imazhin e ligës dhe për ta rritur konkurrencën në arenën ndërkombëtare.
Saudi Pro League i ka investuar plot 2,3 miliardë euro në dy vitet e fundit, një shifër stratosferike, e cila kalohet vetëm nga Premierliga. /Gazeta Express
