Petrit Selimi, ish-ministër i Jashtëm i Kosovës, ka publikuar në rrjetin social X një hartë që tregon një skenar sipas të cilit Ushtria e Kosovës do të marrë përgjegjësinë për sigurinë në pjesën veriore të Gazës.
Hartën e ka postuar gjithashtu Lt. Gen. Prince Piotr Bagration, i njohur si entuziast ushtarak, mbrojtës i natyrës dhe interesant për teknologji të ndryshme.
“Duket se ushtria e Kosovës do të kontrollojë sigurinë në Gazën veriore. Nëse kjo hartë është e vërtetë”, ka shkruar Selimi në X.
Seems Kosovo military will control security in northern Gaza. If this map is genuine. https://t.co/UuyVg1bLIx
Mediumi “i24 news” raportoi i pari se Izraeli ka konfirmuar se Kosova dhe Kazakistani do t’i bashkohen Marokut, Indonezisë, Greqisë dhe Shqipërisë në Forcën Ndërkombëtare të Stabilizimit (ISF) në Gaza, që synon zbatimin e një armëpushimi dhe çarmatosjen e Hamasit.
Forca shumëkombëshe pritet të bëhet operacionale deri në maj, vijon raportimi i mediumit.
