Deputeti i LDK’së, Driton Selmanaj, ka thënë në emisionin Pressing në T7 se subjekti të cilit i takon ka kapacitete të menaxhojë ministritë që rregullojnë rendin dhe ligjin në vend.

“LDK ka kapacitete t’i marrë MPB’në dhe Drejtësinë”, ka thënë Selamanaj.

Kur është pyetur nga gazetarët për performancën që kishte LDK në kohën sa ishte në qeverisje dhe zotëronte këto ministri, Selmanaj ka thënë se LDK ka performuar mirë.

“LDK asnjëherë nuk ka qenë pjesë e kapjes. Ka bërë punë të mirë në ministri të brendshme. Nuk do të thotë me qeverisje të jesh pjesë e shtetit”, ka shtuar ai.

Tutje Selmanaj ka thënë se polemikat mes Agim Veliut dhe Vjosa Osmanit tregojnë për demokracinë e brendshme në këtë subjekt.

“Kjo na dallon nga të tjerat” /Express/