Senati i SHBA-së ka pranuar një projektligj i cili i quan “gjenocid” ngjarjet armene të vitit 1915.
Projektligji i votuar sot ishte paraqitur nga senatorit Demokrat Bob Menendez dhe senatori Republikan Ted Cruz.
Në seancën plenare të Senatit të mbajtur për projektrezolutën, asnjë nga senatorët nuk e kundërshtoi votimin.
Projektligji, i cili paraqet një rregullim që pasqyron opinionin e Senatit lidhur me këtë çështje, nuk përmban obligim ligjor.
Më herët, votimi i projektligjit ishte bllokuar nga senatorët Lindsey Graham dhe David Perdue.
Më 29 tetor, Dhoma e Përfaqësuesve me 405 vota për dhe 11 kundër votoi në favor të një projektrezolute që i njihte si “gjenocid” ngjarjet e vitit 1915.
Qëndrimi i Turqisë është se vdekja e armenëve në Anadollin lindor në vitin 1915 ndodhi kur disa morën anën me rusët pushtues dhe u rebeluan kundër forcave osmane. Një zhvendosje e mëvonshme e armenëve rezultoi në viktima të shumta.
Ankaraja nuk e pranon gjenocidin e pretenduar, por pranon se pati viktima nga të dyja palët gjatë ngjarjeve të Luftës së Parë Botëorore.
Turqia kundërshton paraqitjen e incidenteve si “gjenocid”, por ngjarjet e vitit 1915 i përshkruan si një tragjedi për të dyja palët.
Ankaraja në mënyrë të përsëritur ka propozuar krijimin e një komisioni të përbashkët të historianëve nga Turqia dhe Armenia, si dhe të ekspertëve ndërkombëtarë për të trajtuar këtë çështje.
