Shtëpinë ku u lind tenisti Novak Djokovic e ruajnë me fanatizëm.
Fqinjët e bashkëvendësit në Zveçan e pritën me padurim dhe entuziazëm garën e tij në turneun prestigjioz “Australian Open”.
Por u zhgënjyen fort me autoritetet australiane të cilët nuk lejuan hyrjen Novak Gjokovic në vend pasi nuk plotësoi kriterin e vaksinimit kundër Covid-19.
“Kjo që ndodhi Australi është diçka e paparë, si mund të veprohet kështu ndaj sportistit tonë i cili është i famshëm në mbarë botën, që është bamirës dhe ndihmon të rinjtë. Ne ishim vërtet të befasuar. Dhe këtë e bën në festat e Krishtlindjeve tona.” tha Milica Bosda, një fqinje e familjes Gjokoviq në Zveçan për KlanKosova
Si skandal të madh ngjarjen e sportistit serb e cilëson edhe kryetari i komunës së Zevçanit, Dragisha Milovic.
“Ky është një mesazh politik i krijuar ndoshta për të parandaluar Novakun që të merrte Grand Slam-in e tij të 21-të”.
Familja Gjokoviq u shpërngul nga Kosova vite më parë, por shtëpia e tyre e vogël ende qëndron e pabanuar në Zveçan.
Qyteti e ka shpallur tenistin serb qytetar nderi dhe e ka emëruar qendrën sportive me emrin e tij.
