Serena Williams u largua nga konferenca për media e përlotur, pas humbjes kundër Naomi Osakas në gjysmëfinale të Australian Open.
Legjenda amerikane dështoi sërish ta barazojë rekordin për më së shumti tituj grand slam, 24, në historinë e tenisit të grave, pasi u mposht nga japonezja, 6:3, 6:4, transmeton Gazeta Express.
39-vjeçarja i dha një lamtumirë të gjatë me dorë në zemër turmës në Rod Laver Arena, duke nxitur pyetje nëse kjo nënkuptoi se ajo po pensionohet.
Por përgjigja e saj ishte: “Nuk e di. Nëse them lamtumirë ndonjëherë, nuk do t’i tregoj askujt”.
“Nuk e di. E kreva”, tha ajo dhe u largua nga konferenca për media.
Williams i ka 23 tituj grand slam, më së shumti nga një teniste në Open Era, por ka nga viti 2018 që përpiqet ta barazojë rekordin e Margaret Court prej 24 titujve. /Gazeta Express/
After answering questions about her future, Serena Williams gets emotional and leaves the room. pic.twitter.com/5zTrOvuor0
