Ndjekja e Juventusit për Youssef En-Nesyrin ka hasur në një pengesë serioze, me lëvizjen që tani është zyrtarisht në pritje, pavarësisht një marrëveshjeje totale të arritur më parë mes klubeve.
Sipas gazetarit italian Gianluca Di Marzio, Sevilla ka hyrë në mënyrë dramatike në garë në momentet e fundit, duke ushtruar presion të fortë për ta rikthyer ish-sulmuesin e saj në Andaluzí.
Ndërsa Juventusi dhe Fenerbahçe kishin gjetur tashmë gjuhën e përbashkët për detajet e transferimit, reprezentuesi maroken tani e ka pezulluar operacionin për të vlerësuar me kujdes të ardhmen e tij.
Raportohet se Sevilla po ushtron presion të madh mbi 28-vjeçarin për ta bindur të rikthehet në Spanjë, gjë që ka bërë që lojtari dhe përfaqësuesit e tij të qëndrojnë në Turqi, në vend që të udhëtojnë drejt Italisë për vizitat mjekësore.
Ky hezitim ka ngrirë një marrëveshje që dukej e destinuar të mbyllej vetëm 24 orë më parë.
Sulmi i vonshëm i Biancorossëve e ka detyruar Juventusin të presë, teksa En-Nesyri merr kohën e nevojshme për të vendosur mes një aventure të re në Serie A nën drejtimin e Luciano Spallettit ose një rikthimi në ambientin e njohur të “Ramón Sánchez Pizjuán”./GazetaExpress/
