Klubi spanjoll Mallorca ka ndarë një video të veçantë ku shihen lojtarët duke festuar me sulmuesin kosovar Vedat Muriqi, i cili mban në dorë topin e ndeshjes pas hat-trickut të shënuar në fitoren 3-2 ndaj Athletic Club (Bilbao).
Ky ishte tregolëshi i parë i Muriqit në La Liga, dhe performanca e tij e jashtëzakonshme solli një atmosferë tepër pozitive brenda skuadrës. Në video duket qartë se Muriqi nuk harroi të falenderojë edhe tifozët që ishin prezent në stadium, duke i duartrokitur për mbështetjen e tyre.
Fitorja dhe paraqitja e sulmuesit kosovar e rrit edhe më shumë moralin e skuadrës, ndërsa Muriqi po vazhdon të shfaqet si një nga emrat kryesorë të sezonit për Mallorca. /GazetaExpress
