Çështja e zgjedhjes së Presidentit, është top tema e ditëve të fundit në Kosovë e cila u diskutua sonte me panelistët e ftuar në emisionin Rubikon në Klan Kosova.

Po ashtu, u fol edhe për raportet mes presidentes aktuale Vjosa Osmani dhe kryeministrit Albin Kurti.

Analisti politik Armand Shkullaku, deklaroi se Lëvizja Vetëvendosje duhej të ia kishte lënë opozitës propozimin e emrave për të parin/en e shtetit.

“Dhe kjo si parti e madhe mund të bënte selektimin mes atyre emrave. Prandaj, them se nuk është çështje numrash, sa është çështje edhe llogaridhënie edhe përgjegjësi ndaj atyre që të kanë votuar”, deklaroi ai.

Ai theksoi se edhe çështja e rikandidimit të Vjosa Osmanit, nuk duhej të kalonte kështu.