Kombëtarja shqiptare e regjistroi një fitore të mundimshme, por të rëndësishme mbrëmë ndaj Letonisë.

Kuqezinjtë fituan me rezultat minimal, 1:0 për ta rrëmbyer pozitën e dytë në tabelë, shkruan “Gazeta Express”.

Kjo u arrit edhe falë fitores së thellë të Anglisë në Beograd, e cila e mposhti Serbinë, 5:0, duke iu bërë kështu favor djelmoshave të Sylvinhos.

Shqipëria aktualisht i ka 8 pikë në vendin e dytë të Grupit K, një më shumë se serbër, të cilët e kanë një ndeshje më pak të luajtur.

Sfida e ardhshme do të jetë jetike për Armando Brojën me shokë.

Ata do të ushtrojnë drejt Beogradit më 11 tetor për ta zhvilluar përballjen direkte për vend të dytë.

Me një fitore eventuale, Shqipëria do t’i afrohej dukshëm kualifikimit në “play-off” për ta kërkuar më pas një vend në Botërorin 2026, i cili do të mbahet në Shtetet e Bashkuara të Amerikës, Kanada dhe Meksikë. /Gazeta Express