Ndeshja Suedi – Kosovë është pritur me entuziasëm, jo vetëm në Kosovë, por edhe në Suedi.

Në këtë shtet evropian, ka një numër të konsiderueshëm shqiptarësh nga të gjitha trojet shqiptare.

Para ndeshjes – që nis nga ora 20:45 – shqiptarët kanë krijuar atmosferë të jashtëzakonshme në rrugët e Goteborgut.

Në një video të publikuar në rrjetin social “Tik Tok”, shihen shumë shqiptarë, të veshur me flamur kombëtar, por edhe me atë të Kosovës, e duke festuar.

@teutaamaloku FORCA KOSOVE🤍 #tuti #fypシ゚ #footballtiktok #kosovo #gameday #winner #gothenburg #sweden ♬ original sound - TUTI👸🏽

Ndeshja që luhet sonte, zhvillohet në kuadër të kualifikimeve për kampionatin botëror të vitit 2026.

Kosova është e dyta në grup me katër pikë pas tri ndeshjeve, teksa Suedia është e fundit me vetëm një pikë.

Ndeshjen e parë mes këtyre dy kombëtareve e fitoi Kosova me shifrat 2-0 në stadiumin “Fadil Vokrri” në Prishtinë./GazetaExpress/