Qipro dhe Danimarka aktualisht janë në krye të renditjes së koeficientëve të federatave të UEFA-s për sezonin, gjë që do t’u japë dy vende shtesë në Champions League në fund të sezonit.

Një sezon i ri evropian ka nisur, dhe çdo vend shpreson për rezultate pozitive nga klubet e tij për të fituar dy vende shtesë në UEFA Champions League 2026-27.

Italia dhe Gjermania fituan vendet shtesë në sezonin 2024-25, ndërsa sezonin e kaluar ishte radha e Anglisë dhe Spanjës.

UEFA ka shpjeguar se si llogariten koeficientët e klubeve.

Koeficienti i sezonit i një federate llogaritet duke shtuar pikët e fituara nga të gjitha klubet e saj në një sezon të caktuar të UEFA Champions League, UEFA Europa League dhe UEFA Conference League, dhe më pas duke pjesëtuar totalin me numrin e klubeve nga ajo federatë që morën pjesë në këto tre gara të UEFA-s.

Pikët jepen si më poshtë:

a. 2 pikë për fitore (1 pikë për ndeshjet kualifikuese dhe play-off);

b. 1 pikë për barazim (0.5 pikë për ndeshjet kualifikuese dhe play-off);

c. 0 pikë për humbje.

Klubet që arrijnë 16-shefinalet, çerekfinalet, gjysmëfinalet ose finalen fitojnë:

1.5 pikë shtesë për çdo rund në Champions League

1 pikë shtesë për çdo rund në Europa League

0.5 pikë shtesë për çdo rund në Conference League

Këto pikë bonus përfshihen gjithashtu në llogaritjen e koeficientit të federatës.

D.7 Parimet e llogaritjes

Pikët e ndeshjes jepen bazuar në rezultatin përfundimtar të ratifikuar nga UEFA. Goditjet e penalltive nuk llogariten.

Koeficientët llogariten deri në mijë të mijtën dhe nuk rrumbullakohen.

Nëse rundet e kompeticionit ndryshojnë dhe ndeshjet luhet vetëm një ndeshje (single-leg) në vend të dyfishtë (two-legged), pikët jepen si më poshtë:

a. 3 pikë për fitore në kohën normale ose shtesë (1.5 pikë për ndeshjet kualifikuese dhe play-off);

b. 2 pikë për barazim në kohën shtesë (1 pikë për kualifikues dhe play-off);

c. 1 pikë për humbje në kohën normale ose shtesë (0.5 pikë për kualifikues dhe play-off).

Kjo nuk aplikohet për finalen e UEFA Champions League, UEFA Europa League ose UEFA Conference League.

D.8 Koeficientë të barabartë

Nëse dy ose më shumë federata janë të barabarta, zbatohen kriteret e mëposhtme, në këtë rend, për të përcaktuar renditjen përfundimtare:

Koeficientët e tyre në sezonin më të fundit në të cilin bazohet renditja;

Koeficientët e tyre në sezonin tjetër më të fundit ku nuk janë të barabartë.

Koeficientët aktualë të shoqatave të UEFA-s

Qipro 5.750 (3/4)

Danimarka 5.625 (2/4)

Portugalia 5.200 (4/5)

Anglia 5.055 (9/9)

Belgjika 4.900 (3/5)

Polonia 4.875 (4/4)

Spanja 4.500 (8/8)

Gjermania 4.428 (7/7)

Azerbajxhani 4.375 (1/4)

Italia 4.142 (7/7)

/GazetaExpress/