Ristrukturimi në stolin e Wolverhampton Wanderers mund t’i sjellë një lehtësim të papritur financiar Juventusit.

Pas shkarkimit të Vitor Pereiras, “Ujqërit” po shqyrtojnë disa opsione për trajnerin e ri, dhe mes emrave të përmendur janë dy të njohur për tifozët bardhezinj: Thiago Motta dhe Igor Tudor.

Sipas Matteo Moretto-ms në kanalin YouTube të Fabrizio Romanos, përmes “Goal”, skuadra e Premierligës ka kontaktuar të dy ish-trajnerët e Juventusit për të vlerësuar disponueshmërinë e tyre.

Për Juventusin, emërimi i cilitdo prej tyre mund të përkthehej në kursime të konsiderueshme financiare.

Si Motta, ashtu edhe Tudor mbeten nën kontratë me klubin deri në qershor 2027, me torinezët që vazhdojnë t’u paguajnë pagat pas shkarkimeve të tyre të fundit.

Kontrata e Mottas, me vlerë rreth 16.3 milionë euro bruto duke përfshirë edhe stafin e tij, përbën barrën më të madhe, ndërsa paketa e Tudorit besohet të arrijë në rreth 11 milionë euro.

Nëse Wolves do të emëronte njërin prej tyre, Juventus do të çlirohej menjëherë nga këto detyrime financiare – duke kursyer deri në 16 milionë euro në paga gjatë tre sezoneve të ardhshme.

Megjithatë, raportet sugjerojnë se të dy trajnerët janë të rezervuar ndaj ofertës nga Premierliga, duke preferuar të presin mundësi të tjera.

Edhe kështu, Juventusi do të shpresojë në heshtje që kërkimi i Wolverhampton për një udhëheqës të ri në stol të mund të zgjidhë më në fund një nga problemet e tij më të kushtueshme jashtë fushës./GazetaExpress/