Pas nëntë xhirove të para në La Liga, Celta Vigo vazhdon të mbetet një nga historitë më të çuditshme të sezonit. Skuadra nga Galicia nuk ka arritur asnjë fitore, duke regjistruar 7 barazime dhe 2 humbje.
Ajo që e bën këtë seri edhe më interesante është fakti se të gjitha 7 barazimet kanë përfunduar me të njëjtin rezultat – 1:1, shkruan Gazeta Express.
Një rast i rrallë në futbollin modern, që tregon për një ekip që di të luftojë deri në fund, por që nuk po arrin të marrë maksimumin.
Me një golavarazh 8:11 dhe vetëm 7 pikë, Celta ndodhet aktualisht në vendin e 17-të, pranë zonës së rënies nga kategoria.
Pavarësisht lojës solide në disa ndeshje, mungesa e fitores po rëndon ndjeshëm mbi skuadrën dhe trajnerin e saj, që kërkon zgjidhje urgjente.
Nëse vazhdojnë kështu, Celta Vigo mund të hyjë në histori si skuadra që “barazon gjithçka, por nuk fiton asgjë”.
