Raportime nga Franca thonë se Juventus do ta lërë deri në minutën e fundit transferimin e Randal Kolo Muani, duke shpresuar ta marrin me huazim të thjeshtë nga PSG, pa opsion blerjeje, pasi Dusan Vlahovic vendosi të qëndrojë.

Bianconerët kishin rënë dakord në parim për kushtet e një huazimi të ri me detyrim blerjeje në fund të sezonit për një shumë totale prej 60 milionë eurosh. Megjithatë, gjatë ditëve të fundit, Juventus ka filluar të rishikojë situatën, kryesisht pasi drejtori Damien Comolli konfirmoi se Vlahovic ka “99 për qind” gjasa të qëndrojë.

Kjo shtyu Le Parisien të sugjeronte se ata kanë ndryshuar planet dhe nuk do të shpenzojnë tepër për sulmuesin qendror. Duke ditur se ai nuk ka të ardhme te Paris Saint-Germain, “Zonja e Vjetër” shpreson të presë deri në minutën e fundit dhe të marrë një huazim të paguar pa opsion për ta bërë përhershëm, e lëre më me detyrim.

Kjo mund të shtyjë pagesën e një shume të madhe transferimi deri verën e ardhshme. Gjithashtu mund të jetë një taktike negociimi për të bindur PSG të ulë çmimin, pasi ata e kishin rritur vetëm pak javë më parë, duke qenë tashmë në fazën përfundimtare të negociatave./GazetaExpress/