Goli dramatik i Benjamin Šeškos i siguroi Manchester Unitedit barazimin 1-1 ndaj West Ham United në Premierligë, duke i ndalur “Hammers” nga arritja e katër ndeshjeve radhazi pa humbje në shtëpi ndaj “Djajve të Kuq”.
Vendasit hynë në këtë ndeshje në formë më të mirë, dhe kjo u pa që nga fillimi, me disa raste të inkurajuese.
Jarrod Bowen goditi me kokë nga një kros i Crysencio Summerville, por topi shkoi jashtë, ndërsa më pas vetë holandezi provoi një gjuajtje që Senne Lammens priti.
Ekipi i Michael Carrick gjithashtu kërkoi rritje presioni nga këndoret, me Harry Maguire që goditi jashtë dhe një gjuajtje të Luke Shaw nga një krosim i ulët i Bruno Fernandes që Aaron Wan-Bissaka largoi nga vija.
Rastet më të qarta ishin të pakta gjatë pjesës së pare.
Pas një pjese të parë që u luajt kryesisht me ritëm të ulët, West Ham kaloi shpejt në avantazh pas pushimit.
Tomáš Souček shënoi pas harkimit të Jarrod Bowen.
Summerville ndali një goditje të Dalot teksa mysafirët kërkonin barazimin, që menduan se kishte ardhur në minutën e 63-të, kur Casemiro shënoi me kokë nga një kros i Kobbie Mainoo, por u anulua për pozicion jashtë loje.
Souček ndali më pas një përpjekje të Mbeumo, dhe Joshua Zirkzee goditi me kokë jashtë në momentet e fundit, teksa West Ham luftonte deri në fund.
Megjithatë, shpërblimi erdhi për Manchester United në minutën e 96-të, kur Šeško goditi me mjeshtëri dhe e shënoi në këndin e sipërm, duke zgjatur serinë pa humbje në PL në nëntë ndeshje dhe duke i mbajtur ata në vendin e katërt, edhe pse seria e katër fitoreve radhazi u ndal.
West Ham ka humbur vetëm një nga gjashtë ndeshjet e fundit në të gjitha kompeticionet, por tani është dy pikë pas Nottingham Forest, duke luajtur një ndeshje më shumë.
Me këtë pikë, Unitedi ka 45 pikë tashmë, duke u pozicionuar në vendin e katërt.
West Hami është i 18-ti me 24 pikë./GazetaExpress/
