Disa tifozë kanë shkaktuar reagime dhe polemika duke shfaqur flamurin e ish-Jugosllavisë gjatë ndeshjes mes Rayo Vallecanos dhe Dritës, e vlefshme për ndeshjen e fundit të fazës së Ligës së Konferencës, e cila po zhvillohet në Madrid.

Veprimi u konsiderua si provokues, veçanërisht duke pasur parasysh faktin se Drita përfaqëson Kosovën në arenën evropiane.

Pas insistimit të zyrtarëve të klubit gjilanas pranë zyrtarëve të UEFA-s, flamuri i ish-Jugosllavisë është larguar nga tribunat e stadiumit, njofton gazetari sportiv nga Kosova, Arlind Sadiku, shkruan Gazeta Express.

Ndërhyrja e shpejtë e organizatorëve bëri që situata të qetësohej, ndërsa ndeshja vazhdoi pa incidente të tjera të ngjashme.

Klubi i Dritës ka qenë i vëmendshëm ndaj çdo forme provokimi, duke kërkuar respektim të rregullave dhe vlerave sportive në garat evropiane. /GazetaExpress