Ole Gunnar Solskjaer është pranë rikthimit në “Old Trafford”.

Sipas gazetarit Fabrizio Romano, Manchester United dhe Solskjaer kanë bërë përparim të madh në bisedimet për emërimin e norvegjezit si trajner i përkohshëm i klubit.

Raportohet se Solskjaer vetë është i interesuar të rikthehet te Manchester United dhe konsiderohet një nga kandidatët kryesorë për këtë pozicion.

Nuk ka mosmarrëveshje mbi kohëzgjatjen e kontratës — Ole është gati të pranojë ofertën dhe të kthehet te klubi ku ka kaluar disa nga momentet më të suksesshme të karrierës së tij.

Vlen të përmendet se Solskjaer ka qenë trajner i “Red Devils” më parë nga dhjetori i vitit 2018 deri në nëntor 2021.

Michael Carrick konsiderohej më parë një nga kandidatët kryesorë për rolin e trajnerit të Manchester United./GazetaExpress/