Sot, në orën 14:00, në varrezat e fshatit Lëbushë të Deçanit, do t’i jepet lamtumira e fundit Fatlind Hysenajt, që vdiq në një aksident të rëndë trafiku.

21-vjeçari humbi jetën dje rreth orës 02:48 në rrugën Pejë-Deçan, në fshatin Isniq të Deçanit.

Dyshohet se aksidenti u shkaktua si pasojë e shpejtësisë së madhe, me ç'rast vetura e viktimës është përplasur në murin e një shtëpie.

Në këtë aksident lëndime të rënda trupore ka pësuar edhe i riu tjetër me inicialet Sh.K.

Pas aksidentit Policia e Kosovës u ka bërë apel të gjithë vozitësve që t’i respektojnë rregullat e komunikacionit dhe t’i kenë masat mbrojtëse.