Pas marrëveshjes për rikthimin e linjës ajrore midis Kosovës dhe Serbisë bisedimet do të zhvillohen sot në Berlin të Gjermanisë për rikthimin e linjës hekurudhore midis të dyja vendeve pas më shumë se dy dekadave.

Siç raporton Tanjug, duke iu referuar burimeve, delegacioni serb në këtë takim do të udhëhiqet nga drejtori i të ashtuquajturës Zyrë Serbe për Kosovën, Marko Gjuriq.

Sipas burimeve të Tanjug, “do të diskutohen vetëm tema tregtare, pasi kushti i Beogradit për vazhdimin e dialogut politik, i cili do të vazhdojë të zhvillohet nën kujdesin e BE-së, është heqja e taksës 100 për qind për mallrat nga Serbia qendrore dhe BH e vendosur nga Prishtina, transmeton Klan Kosova.

Ambasada e Shteteve të Bashkuara në Beograd përmes një shkrimi në Twitter ka njoftuar se emisari i Amerikës në bisedimet Kosovë-Serbi, Richard Grenell ka bërë të ditur se të gjitha palët janë pajtuar për rivendosjen e trafikut hekurudhor ndërmjet Kosovës dhe Serbisë.

Sipas njoftimit të Ambasadës së SHBA-së në Beograd, detajet e kësaj marrëveshje priten të diskutohen sot në Gjermani, transmeton Klan Kosova.

Pas vizitës në Prishtinë, Richard Grenell udhëtoi drejt Beogradit për t’u takuar me presidentin serb, Aleksandar Vuçiq, të cilit po ashtu ia kërkoi që Serbia ta ndalojë fushatën kundër Pavarësisë së Kosovës.

Më pas Ambasada e Shteteve të Bashkuara në Beograd përmes një shkrimi në Twitter, njoftoi se ambasadori Grenell ka bërë të ditur se të gjitha palët janë pajtuar për vendosjen e trafikut hekurudhor ndërmjet Kosovës dhe Serbisë.

Sipas njoftimit të Ambasadës së SHBA-së në Beograd, detajet e kësaj marrëveshje priten të diskutohen sot (27.01.2020) në Berlin.