Në një mbrëmje të çmendur në “Allianz Stadium”, Juventusi dhe Borussia Dortmundi u ndanë baras 4-4 në hapjen e fazës së grupeve të Ligës së Kampionëve, në një duel ku debutoi edhe Edon Zhegrova me fanellën bardhezi.

Pjesa e parë kaloi pa shumë emocione dhe u mbyll 0-0, por pjesa e dytë ofroi gjithçka: tetë gola, përmbysje dhe tension deri në sekondat e fundit.

Karim Adeyemi zhbllokoi rezultatin në minutën e 52-të për Dortmundin, por Kenan Yildiz u përgjigj me një supergol në minutën e 63-të. Vetëm pak minuta më pas, Felix Nmecha riktheu avantazhin për verdhezinjtë, por Dusan Vlahovic barazoi shifrat sërish në 2-2.

Gjermanët vazhduan presionin dhe shënuan edhe dy herë: fillimisht Yan Couto në minutën e 74-të dhe më pas Ramy Bensebaini nga penalltia në minutën e 83-të, duke e çuar rezultatin në 4-2.

Në minutën e 86-të, Edon Zhegrova shënoi debutimin e tij për Juven, duke sjellë fat për ekipin. Në kohën shtesë, Vlahovic realizoi një gol të jashtëzakonshëm me vole për 4-3, ndërsa Lloyd Kelly në minutën e 90+6 barazoi me kokë, duke vulosur një mbrëmje epike 4-4.

Në fund, Juventusi dhe Borussia Dortmundi ndanë pikët, në një ndeshje që do të mbahet mend gjatë për intensitetin dhe dramatikën e saj./GazetaExpress/