Bologna është çerekfinalisti i fundit në Ligën e Europës.

Në një ndeshje spektakolare në “Olimpico”, Bologna e gjeti kualifikimin tutje, duke e eliminuar Romën.

Ndeshja e parë kishte përfunduar baraz 1:1, duke lënë gjithçka të hapur për ndeshjen e kthimit.

E sonte, u deshën 120 minuta për të përcaktuar fituesin, kjo pasi që 90 minutat përfunduan me rezultat të barabartë, 3:3.

Roëe kaloi Bolognan në epërsi në minutën e 22-të, para se Ndicka të barazonte shifrat 10 minuta më vonë.

Bernardeschi riktheu epërsinë e Bolognas me gola nga penalltia në fundin e pjesës së parë.

Castro e rriti avantazhin e mysafirëve në minutën e 58-të, para se Malen të ngushtonte rezultatin në të 69-tën nga penalltia.

E në minutën e 80-të, Lorenzo Pellegrini barazoi rezultatin, duke e dërguar ndeshjen në vazhdime.

Aty, Bologna u tregua më e mirë, duke shënuar në minutën e 111-të nëpërmjet Cambiaghit.

Kësisoj, në çerekfinale, Bologna do të ndeshet me Aston Villan, që pak më herët e eliminoi Lillen.