Kryeministri britanik Keir Starmer pranoi se presidenti i SHBA-së, Donald Trump, ka “shprehur mospajtimin e tij” me vendimin e Mbretërisë së Bashkuar për të mos u përfshirë fillimisht në operacionin kundër Iranit.

“Por është detyra ime të gjykoj se çfarë është në interesat kombëtare të Britanisë”, tha Starmer, duke thënë se qëndron pas zgjedhjeve të tij, raporton BBC.

Në një intervistë me Telegraph, Trump tha se Starmer “mori shumë kohë” për ta pranuar një kërkesë të SHBA-së për të përdorur bazat ushtarake britanike për sulme “mbrojtëse” ndaj vendeve të raketave iraniane.

Starmer tha ndër tjerash se “ne të gjithë kujtojmë gabimet e Irakut dhe kemi mësuar nga ato mësime”.

“Dhe veprimet e Mbretërisë së Bashkuar gjithmonë duhet të kenë një bazë ligjore dhe një plan të qëndrueshëm e të menduar mirë”, tha ai.