Kryeministri izraelit Benjamin Netanyahu thotë se ka “dhënë udhëzime për vazhdimin e fushatës” kundër Iranit gjatë një takimi me ministrin e tij të mbrojtjes, shefin e shtabit dhe kreun e shërbimit të sigurisë Mossad.

Duke folur nga çatia e selisë së IDF-së Kirya në Tel Aviv, Netanyahu thotë: “Forcat tona tani po godasin zemrën e Teheranit me fuqi në rritje, dhe kjo vetëm do të shtohet edhe më shumë në ditët në vijim”.

“Megjithatë, këto janë ditë të dhimbshme. Dje këtu, në Tel Aviv, dhe tani në Beit Shemesh, humbëm njerëz të dashur. Zemra ime shkon për familjet, dhe në emër të të gjithëve ju, qytetarëve të Izraelit, u dërgoj urimet e mia më të mira për shërim të shpejtë të të plagosurve”.

Ai thotë se Izraeli po sjell “të gjithë fuqinë e IDF-së” në një fushatë për të “siguruar ekzistencën dhe të ardhmen tonë”.