Një oficer u vra në sulmin me dron ndaj selisë së inteligjencës irakiane të shtunën, ka konfirmuar shërbimi i inteligjencës.

Në një deklaratë, shërbimi i inteligjencës tha se droni, i lëshuar nga "grupe të jashtëligjshme", kishte vrarë një oficer në selinë në Bagdad, shkruan The Guardian, transmeton Gazeta Express.

Sulmi ndodhi rreth orës 10 të mëngjesit me kohën lokale, 7 të mëngjesit, të shtunën.

"Një oficer u martirizua", tha inteligjenca irakiane në një deklaratë të publikuar nga AFP.

Ajo dënoi "një sulm terrorist të kryer nga elementë mashtrues".

Një zyrtar sigurie dhe një burim i shërbimeve irakiane të emergjencës raportuan se një oficer tjetër u plagos.