Spektakël i vërtetë në “Anfield”! Atletico Madrid ka arritur të barazojë rezultatin 2-2 ndaj Liverpoolit, falë një supergoli të shënuar nga Marcos Llorente në minutën e 82-të.
Spanjolli, i cili tashmë po shkëlqen në këtë mbrëmje evropiane, doli përsëri në skenë pas golit të parë në fund të pjesës së parë, duke i dhënë madrilenëve një kthesë dramatike në lojë.
Liverpooli e nisi ndeshjen furishëm me dy gola të shpejtë të shënuar nga Robertson dhe Salah, duke krijuar përshtypjen se fitorja ishte e sigurt për “The Reds”. Megjithatë, Atletico tregoi karakter të fortë dhe nuk u dorëzua.
Llorente, me një goditje të fuqishme dhe të saktë nga distanca, i heshti për një moment tifozët vendas dhe riktheu baraspeshën në një përballje që tashmë pritet të vendoset në minutat e fundit.
Atmosfera është elektrizuese, ndërsa tensioni në “Anfield” ka arritur kulmin. A do të ketë një gol vendimtar në këtë duel spektakolar? /GazetaExpress/
Goli i barazimit i Llorentes
