FC Prishtina ka njoftuar zyrtarisht përforcimin e saj më të ri për afatin kalimtar dimëror, mbrojtësin e djathtë holandez Sylian Mokono.
26-vjeçari është produkt i akademisë së FC Utrecht, ku ka kaluar të gjitha grupmoshat deri te ekipi i parë. Mokono ka luajtur më pas për Heracles Almelo, me të cilin u shpall kampion i ligës së dytë holandeze, ndërsa së fundmi ishte pjesë e skuadrës VVV-Venlo.
Klubi ka përshëndetur lojtarin dhe i ka uruar mirëseardhje, duke theksuar se Mokono do të sjellë përvojë dhe cilësi në repartin mbrojtës të skuadrës bardhekaltër. /GazetaExpress
