Ministri i Financave, Hekuran Murati, i ftuar në Pressing në T7 është deklaruar rreth takimeve që lideri i Vetëvendosjes Albin Kurti ka zhvilluar me liderët e PDK’së Bedri Hamza, dhe atë të LDK’së Lumir Abdixhiku.

Për këto takime, ka pasur replika mes moderatorit të emisionit, gazetarit Leonard Kerquki dhe Muratit.

Kerquki çështjen e takimeve, e cilësoi ‘’farsë’’, duke shtuar ‘’me pa dashtë ju (VV) me bo kompromis me zgjedhe president të ri, kishit mujt me i thanë opozitës ‘’a ka mundësi presidentin me zgjedh ju, jepna tre emra, prej tyre ne e zgjedhim njërin’’.

‘’Ti po thu tre, ata asnjë s’e kanë dhanë, ma gjej një emër që e kanë dhanë. Nuk ka qenë situata e tillë.’, ka thënë Murati.