Beşiktaş, që arriti vetëm një fitore ndaj St. Polten në 4 ndeshjet miqësore që zhvilloi, nuk u kënaq me paraqitjet e Joao Mario dhe Rashicës.

Beşiktaş mposhti vetëm St. Pölten me rezultatin 2-0 gjatë fazës përgatitore në Austri, barazoi 1-1 me Admira Ëacker, u mund 3-2 nga Ëolfsberger dhe 2-1 nga Petrzalka. Në këto ndeshje, skuadra shënoi 6 gola dhe pësoi po aq.

Kampi përgatitor u fokusua kryesisht në përgatitjen fizike dhe kondicionale. Trajneri Jonny Northeast ishte përgjegjës për planifikimin dhe zhvillimin e seancave stërvitore. Për shkak të ngarkesës së madhe në programin stërvitor, lojtarët u panë herë pas here të lodhur gjatë ndeshjeve.

Lojtarët e rinj Demir Ege dhe Kartal Kayra u dalluan për paraqitjet e tyre në kamp. Jurasek tregoi një formë të qëndrueshme, ndërsa përforcimi i ri, Abraham, luajti vetëm 45 minuta për shkak të një dëmtimi.

Ndërkohë që Gedson Fernandes ende nuk ishte në formën optimale, Rafa Silva ndoqi një program të kujdesshëm gjatë gjithë kampit.

Siç raportohet nga “Kontra Sport”, Arroyo kishte mangësi në aspektin fizik, ndërsa Muçi iu bashkua ekipit në fazën përfundimtare të përgatitjeve.

Megjithatë, paraqitjet e Mario dhe Rashicës – veçanërisht - nuk i përmbushën pritshmëritë, thuhet më tutje në raportim.

Sezonin e kaluar, Rashica arriti të shënojë katër gola dhe të dhurojë 12 asistime në të gjitha garat.

Milot Rashica iu bashkua Beşiktaşit në vitin 2023 nga Norëich City, pasi në sezonin paraprak kishte luajtur te Galatasaray në formë huazimi për një vit./GazetaExpress/