Të martën në Prishtinë disa persona të panjohur janë rrahur në mes vete, ku njëri prej të dyshuarve ka përdorur edhe armë zjarri, bën të ditur Policia e Kosovës, raporton Express

Rasti ka ndodhur në orët e para të mëngjesit të së martës, ku të dyshuarit pas një mosmarrëveshje janë rrahur mes vete.

Policia bën të ditur se njëri prej të dyshuarve ka shtënë në ajër me armë zjarri, e më pas të gjithë janë larguar nga vendi i ngjarjes.

Nuk është raportuar për të lënduar, dërkaq njësitë policore kanë dalë në vendin e ngjarjes ku kanë gjetur dhe konfiskuar tri gëzhoja të fishekëve dhe dy fishekë të pashkrepur./Express/