Derbi më i madh i sezonit në Ipko Superligën e Kosovës në futboll ndërmjet dy rivalëve për titull të kampionit, Prishtinës dhe Ballkanit, do të zhvillohet të shtunën prej orës 17:00, njofton Federata e Futbollit e Kosovës.

Ky super-derbi do të zhvillohet në stadiumin “Fadil Vokrri” nën ndriçimin e reflektorëve. Klubi vendas, FC Prishtina, ka njoftuar se çmimi i biletave do të jetë 2 euro për tribunën lindore, 3 euro për atë perëndimorë, kurse për zonën VIP bileta do të ketë çmim prej pesë eurosh.

Ballkani prin aktualisht në Superligë me vetëm tri pikë më shumë sesa Prishtina dhe Drita që ndajnë pozitat dy dhe tre. Andaj, numri i shikuesve pritet të jetë i madh. /GazetaExpress/

Orari - Xhiroja e 20-të e Ipko Superligës

E premte, 28 shkurt

13.00 Drita-Drenica

13.00 Ferizaj-Llapi

E shtunë, 29 shkurt

13.00 Feronikeli-Trepça ‘89

13.00 Dukagjini-Gjilani

17.00 Prishtina-Ballkani

E diel, 1 mars

13.00 Flamurtari-Vushtrria