Disa prindër në fshatin Mleqan të Malishevës janë ankuar, për shkak se nxemja në shkollën fillore “Beqir Gashi”, nuk është funksionale që nga fillimi i muajit dhjetor.
Në kushte anonimiteti, prindi i njërit prej nxënësve te shkollës i ka thënë Gazetës Express se po bëhen rreth 2 muaj që kur nxemja e shkollës ka probleme.
Ai ka pretenduar se një ditë është mbajtur mësim, tri ditë jo – edhe atëherë kur është mbajtur mësim, thotë ai “është mbajtur 1 apo 2 orë me orare të shkurtuara”.
“Jam prind i një nxënësi të shkollës fillorë në Mleqan, procesi mësimor para gjysmëvjetorit, nu ka punuar në rregull 18 ditë para gjysmevjetorit të parë, edhe kur ka punuar një ditë po, tri ditë jo. Nga një orë e dy, edhe atë me të shkurtun. Ka përfundu gjysmëvjetori, por notat pa përfunduar, argumenti është te ditari. Nxënësit janë të pa notuar, tash pas pushimit dimëror sërish është problemi i nxemjes. Prej gjysmëvjeorit të dytë asnjë ditë nuk është mbajtur mësim, edhe 18 ditë përpara sa po bëjnë, kanë mbetur mbrapa nxënësit shumë”, ka thënë ai.
Gazeta Express ka kontaktuar me drejtorin e shkollës, Fazli Kryeziu, i cili më 20 janar ka pranuar se ka pasur probleme me nxemjen që funksion me paletë, duke thënë se më pas komuna e ka sjellë një nxemje me drunj.
Por, edhe kjo nxemja ka rezultuar me defekt, duke pamundësuar procesin mësimor. Tutje, thotë se gjatë shumicës së kohës është vijuar mësimi
“Problemi me nxemje ka ndodhur kah fundi i gjysmëvjetorit të parë. Një ditë apo dy, pastaj e kem shtyrë për shkaqe atmosferike. Pastaj kjo nxemja me pelet është prishur, ka bërë përpjekja komuna me rregullu, nuk ka mundur edhe pas një kohe e kanë sjellur një nxemje tjetër më dru. Kjo nxemja tjetër me dru ka funksionuar por e ka pasur një defekt, edhe është prishur. Për shkaqe sigurie i kemi liruar nxënësit të shkojnë në shtëpi Nuk ka qenë problem i madh por vetëm njëfarë sigurice ka plasur, ka dalur avull”.
“Dy ditë ose tri para mbaratimit të gjysmëvjetorit të parë ka ndodhur defekti, pastaj për shkak të kushteve natyrore, kanë bërë përpjekje me rregullu, por herë u prishke një pjesë herë një tjetër, dhe tash e kanë sjëllë një me dru”, ka thënë ai.
Pas kësaj, Komuna e Malishevës është aktivizuar, më 21 janar thanë për Gazetën Express se nxënësit janë rikthyer në shkollë, pasi është funksionalizuar nxemja me drunj.
“Drejtoria Komunale e Arsimit njofton se ngrohja qendrore në SHFMU “Beqir Gashi” në Mleqan është aktualisht në funksion të plotë dhe procesi mësimor po zhvillohet normalisht. Në fillim të këtij gjysmëvjetori janë paraqitur defekte teknike në kaldajën me pelet, të cilat kanë kërkuar ndërhyrje profesionale dhe kohë për sigurimin e pjesëve rezervë. Për të shmangur vonesat dhe për të garantuar vazhdimësinë e mësimit, DKA ka ndërmarrë masa të menjëhershme duke instaluar përkohësisht një kaldajë funksionale me dru, e cila është vënë në funksion nga operatori ekonomik i kontraktuar nga Komuna e Malishevës, deri në riparimin e pjesëve të dëmtuara të kaldajës me pelet”, ka thënë ai.
Komuna e Malishevës është ankuar edhe për problemin me energji elektrike që po ndikojnë në procesin mësimor në shkolla.
“Gjatë ditës së djeshme ka pasur një ndërprerje të energjisë elektrike, e cila ka shkaktuar aktivizimin e mekanizmit mbrojtës të sistemit dhe ndaljen e përkohshme të kaldajës. Pas ndërhyrjes së menjëhershme të operatorit teknik, sistemi është rikthyer në funksion normal. Megjithatë, informojmë opinionin publik se ndërprerjet e energjisë elektrike në Komunën e Malishevës janë të shpeshta dhe shpesh të paparalajmëruara, gjë që po paraqet vështirësi të vazhdueshme edhe në funksionimin e gjeneratorëve elektrikë, të cilët mund të përballen me defekte gjatë punës së tyre. Drejtoria Komunale e Arsimit mbetet e përkushtuar të sigurojë kushte të sigurta dhe të përshtatshme për nxënësit dhe stafin arsimor, duke reaguar me prioritet ndaj çdo situate që ndikon në mbarëvajtjen e procesit mësimor”, thuhet në përgjigje. /Gazeta Express
