Pas një sezoni larg pritshmërive, kryetari i KB Golden Eagle Ylli, Shaqir Palushi, ka reaguar ashpër ndaj skuadrës, duke shprehur zhgënjimin e tij për paraqitjet dhe rezultatet.
Palushi theksoi se ekipi ka një nga buxhetet më të larta në Superligë, por rezultatet nuk pasqyrojnë investimin dhe potencialin e skuadrës, veçanërisht në vitin jubilar të 50-vjetorit të klubit.
“Ky është ekipi me buxhetin gati më të lartë në Superligë, por me rezultate pothuajse më të dobëta. Ky rezultat nuk përfaqëson potencialin e skuadrës, e aq më pak në 50-vjetorin e klubit,” – u shpreh ai.
Kreu i klubit shtoi se nëse mungon vullneti për sukses, atëherë duhet hapur rrugë për ata që janë të gatshëm të japin maksimumin për fanellën e Yllit.
Ai gjithashtu theksoi se tifozët dhe sponsorët, të cilët kanë mbështetur klubin ndër vite, meritojnë më shumë.
“Suhareka dhe ‘Xhebrailat’ meritojnë më shumë.”
Deklarata e Palushit pritet të sjellë lëvizje dhe reflektim brenda klubit në javët në vijim. /GazetaExpress
