Tervell Beck e ka kaluar me sukses operimin, por do të mbetet jashtë për afro tre muaj.
Klubi pejan ka njoftuar këtë të martë se basketbollisti i tyre është liruar tashmë nga spitali, shkruan Gazeta Express.
Gjendja e tij shëndetësore u tha se është e mirë, kurse koha e rikuperimit nga lëndimi do të jetë rreth tre muaj.
Beck kishte thyer këmbën muajin e kaluar.
Njoftimi i plotë nga KB Peja:
“Basketbollisti ynë, Tervell Beck - është liruar sot nga spitali në gjendje të shkëlqyer shëndetësore.
Beck iu nënshtua të premten operimit, i cili përfundoi me sukses në duart e Doktorit të Klubit, Dr. Shkumbin Berisha - së bashku me ekipin e tij në repartin e Ortopedisë, të cilët i falënderojmë për kujdesin e treguar.
Koha e rikuperimit të Tervell Beck do jetë rreth 3 muaj, dhe deri në shërimin e plotë ai do jetë në mbikqyrje nga Doktori i Klubit, Fizioterapeutat e Klubit - Festim Mema dhe Mazllum Jevriqi dhe Trajneri Kondicional, Shpetim Panxhaj.
Stay strong, NUNU. Jemi këtu për ty!”. /Gazeta Express/
