Theo Hernandez do të largohet nga Milani gjatë kësaj vere.

Këtë e ka konfirmuar drejtori i ri sportiv i “Rossoneri”, Igli Tare.

Mbrojtësi i majtë francez dëshiron ta provojë një eksperiencë të re, ndërsa interesim për të ka shfaqur klubi nga Saudi Pro League, Al Hilal, shkruan “Gazeta Express”.

Kuqezinjtë janë duke punuar në këtë drejtim, në mënyrë që ta gjejnë një marrëveshje të përshtatshme për të gjitha palët.

“Theo dëshiron ta provojë një kapitull të ri dhe ne po negociojmë, por ende nuk është nënshkruar asgjë”, deklaroi Tare në konferencë për shtyp, në të cilën i preku shumë tema që lidhen me shtatë herë kampionin evropian.

Theo ka qenë njëri prej mbrojtësve të majtë më të mirë në Evropë vite më parë, por së fundmi pati rënie dhe në sezonin u kritikua për paraqitjen dhe sjelljen e tij, bashkë me Rafael Leaon.

Tare po punon ndërkohë për gjetjen e një mbrojtësi tjetër të majtë. /Gazeta Express