Një person është arrestuar të shtunën në Pejë, nën dyshimin se ka thyer derën e banesës së një gruaje dhe më pas ka tentuar t’i vërë flakën asaj.
Ai dyshohet se fillimisht ka dëmtuar derën e banesës së viktimës dhe më pas ka tentuar të shkaktojë zjarr, por është ndaluar me kohë nga zyrtarët policorë.
Po ashtu bëhet e ditur se i dyshuari kishte në fuqi një urdhër mbrojtës, të cilin nuk e kishte respektuar.
Me vendim të prokurorit, i dyshuari është dërguar në mbajtje, ndërsa rasti po hetohet.
