Qendërmbrojtësi brazilian do të largohet nga Paris Saint-Germaini në fund të këtij sezoni

Thiago Silva dëshiron të transferohet në Barcelonë.

Qendërmbrojtësi brazilian do të largohet gjithsesi nga Paris Saint-Germaini gjatë verës që vjen pasi do t’i skadojë kontrata.

Dhe, e përditshmja spanjolle “Mundo Deportivo” shkruan se veterani i mbrojtjes e preferon gjigantin katalunas, përcjell Gazeta Express.

Në rast se kampioni spanjoll e transferon Silvan si lojtar të lirë, atij do t’i realizohej ëndrra për të luajtur përkrah Lionel Messit.

Silva ka luajtur me sukses në vitet e fundit në Paris, ku ishte transferuar nga Milani.

Ai ishte njëri prej mbrojtësve më të mirë në Evropë në dekadën e fundit. /Gazeta Express/