Thiago Silva ka konfirmuar zyrtarisht largimin nga Fluminense, duke u bërë lojtar i lirë me efekt të menjëhershëm. Mbrojtësi legjendar brazilian i jep fund aventurës së tij në klubin ku u rikthye vitin e kaluar, ndërsa e ardhmja e tij pritet të jetë sërish në futbollin europian.

Sipas burimeve pranë lojtarit, destinacioni i radhës për 40-vjeçarin do të jetë Europa, ku interesimi për shërbimet e tij mbetet i lartë falë eksperiencës dhe lidershipit të madh që ai ofron. Edhe pse ende nuk është bërë publik emri i klubit të ri, bisedimet janë në një fazë të avancuar.

Thiago Silva, ish-kapiten i PSG dhe Chelsea, konsiderohet një nga mbrojtësit më të mëdhenj të gjeneratës së tij dhe synon të vazhdojë karrierën në nivelin më të lartë edhe për një periudhë tjetër.

Njoftimi i tij ka ngjallur interes të madh në tregun e transferimeve, ndërsa pritet që në ditët në vijim të zbulohet klubi i ri ku ai do të vazhdojë karrierën. /GazeteExpress