Alexander Zverev dhe Jenson Brooksby e thyen rekordin për meçin më të vonshëm profesionist të zhvilluar ndonjëherë, pasi përballja në mes tyre zgjati deri në orën 4:55 të natës në Mexican Open. Meçi kishte filluar në orën 1:30 të natës
Një ngjarje aspak e zakontë ka ndodhur në sportin e tenisit.
Në fakt, Alexander Zverev dhe Jenson Brooksby e kanë shkruar historinë në sportin e tenisit.
Meçi i tenisit në mes tyre ka zgjatur thuajse deri në mëngjes, shkruan “Gazeta Express”.
Në fakt, i zhvilluar në Acapulco, ky ballafaqim i vlefshëm për ATP Tour, kishte nisur në orën 1:30 të natës.
Ai zgjati gati 3 orë e gjysmë dhe u mbyll saktësisht në orën 4:55 të natës në Mexican Open.
REMARKABLE ?@AlexZverev defeats Brooksby 3-6 7-6 6-2 in 3 hours 19 minutes at 4.55am in Acapulco - the latest finish in tennis history!#AMT2022 pic.twitter.com/yn7l3RUaQE
Zverev e mposhti Brooksbyn 2:1 në sete, 3-6 7-6 6-2.
Dyshja e theu rekordin e vendosur paraprakisht nga Lleyton Hewitt e Marcos Baghdatis, të cilët kishin luajtur deri në orën 4.34 të natës.
Setin e parë e fitoi amerikani për 43 minuta dhe njerëzit shpresuan se do ta zinin sadopak kohën e gjumit.
Mirëpo, seti i dytë zgjati gati dy orë, apo 111 minuta.
Brooksby i pati dy match-point, por Zverev e shpëtoi lojën dhe e fitoi setin e dytë.
E seti i tretë dhe kret loja u mbyll në orën 4:55, vetëm dy orë para lindjes së diellit.
Zverev tash do të ketë punë me Peter Gojowczyk, i cili e mundi Brandon Nakashiman, 6-4, 6-4. /Gazeta Express/
