Tifozët e Al-Nassr i kanë dërguar një mesazh Cristiano Ronaldos pasi ai humbi ndeshjen e dytë radhazi mes raportimeve se është në grevë.

Ronaldo nuk është përfshirë në skuadrën e ditës së ndeshjes së Al-Nassr që nga janari, duke munguar në dy ndeshjet e fundit të Saudi Pro League kundër Al-Riyadh dhe Al-Ittihad.

Kjo vjen pas raportimeve nga mediumi portugez “Record”, sipas të cilit Ronaldo mendon se Public Investment Fund (PIF), që zotëron Al-Nassr, si dhe Al-Ittihad, Al-Ahli dhe Al-Hilal, po favorizon klubet e tjera në merkato.

Veprimet e 41-vjeçarit janë kritikuar ashpër nga Saudi Pro League, e cila publikoi një deklaratë duke dënuar grevën e Ronaldos.

Me Ronaldon që mungonte në përballjen e së premtes kundër Al-Ittihad, tifozët i dërguan një mesazh të qartë yllit të tyre me një shfaqje të organizuar dashurie.

Gjatë ndeshjes, tifozët në sektorin e Al-Nassr ngritën vazhdimisht kartona me mbishkrimin “Ronaldo 7”, duke krijuar një mur të verdhë në stadium.

Shfaqja u orkestrua nga daullet në tribuna, ndërsa tifozët brohorisnin “Siu” në ritëm teksa mbanin kartonët lart.

Mbështetja e tifozëve mund ta bindë Ronaldon të rikthehet shpejt në fushë, ndërsa fituesi pesë herë i Topit të Artë po ndjek edhe 39 golat e mbetur për të arritur shifrën e famshme prej 1000 golash.

Megjithatë, Ronaldo mund të detyrohet t’i kërkojë golat e mbetur jashtë Arabisë Saudite pas shpërthimit të tij, pasi “The i Paper” raporton se klubi i tij i fëmijërisë, Sporting CP, është i interesuar ta transferojë sulmuesin.

Ronaldo ka një klauzolë lirimi prej 43 milionë paund në kontratën e tij që mund të aktivizohet këtë verë, ndërsa zyrtarët sauditë tashmë kanë një plan nëse superylli i tyre largohet.

Sipas “The i Paper”, Mohamed Salah dhe Bruno Fernandes do të ishin “përshtatje perfekte” për ta zëvendësuar Ronaldon si fytyra e Saudi Pro League./GazetaExpress/