Tifozët e Atalantës nuk kanë ngurruar të shprehin pakënaqësinë e tyre ndaj sulmuesit Ademola Lookman, duke e etiketuar atë si ‘i pabesë’, pas rikthimit të tij në skuadrën e parë të drejtuar nga Ivan Juric.
Lookman ka stërvitur kryesisht larg grupit të parë që nga përfundimi i sezonit 2024-25. Sulmuesi anglez kishte tentuar të largohej gjatë merkatos verore dhe kishte dorëzuar një kërkesë zyrtare për transferim, pasi një ofertë prej 45 milionë eurosh nga Interi ishte refuzuar në fillim të gushtit.
Më pas, ai publikoi një seri akuza kundër klubit në një postim të gjatë në Instagram.
Pas kësaj, Lookman u kthye në Mbretërinë e Bashkuar për disa javë, ndërsa bashkëlojtarët e tij vazhduan përgatitjet për stërvitjen e para-sezonit. Ai u rikthye në Bergamo vetëm pesë ditë para fillimit të sezonit 2025-26 të Serie A.
Kjo bëri që Juric ta përjashtonte Lookman nga të gjitha listat për ndeshje. Kroati vendosi ta riintegrojë sulmuesin në stërvitjen e skuadrës së parë vetëm këtë javë.
La risposta del gruppo "Vecchia Guardia" del tifo atalantino sul reintegro in rosa di #Lookman, alla vigilia del match tra #Atalanta e Torino pic.twitter.com/cZA5fTP7F1
Mesazhi i tifozëve
Megjithatë, disa grupe tifozësh të Atalantës nuk kanë pranuar mirë rikthimin e Lookman. Një pankartë u shfaq në Bergamo me mbishkrimin:
“Numri 11 është riintegruar, por për ne, ti mbetesh i pabesë.”
Ky incident thekson tensionin e vazhdueshëm midis sulmuesit dhe tifozëve, dhe tregon se marrëdhënia e Lookman me publikun e Atalantës mbetet e ndërlikuar. /GazetaExpress/
