Inter debuton sonte në Serie A, por atmosfera nuk do të jetë e mirë, pasi Curva Nord ka njoftuar se do të bojkotojë San Siron “deri në një njoftim të mëtejshëm.”
Ndeshja e Javës 1 ndaj Torinos nis në Stadio Giuseppe Meazza në San Siro në orën 20:45.
Si ultras të Interit, ashtu edhe ata të AC Milan, kanë protestuar për rregullat e reja që kufizojnë grupet e organizuara të tifozëve, një masë që konsiderohej e pashmangshme pas hetimeve mbi lidhjet e tyre muajt e fundit.
Ndërsa tifozët e Milan mbetën në vendet e tyre të shtunën në humbjen 2-1 ndaj Cremoneses, pritej që Inter të bënte të njëjtën gjë sonte. Por Curva Nord publikoi një deklaratë, duke njoftuar se do të “ndryshojë qasjen” dhe se “nga sot grupet e organizuara do të qëndrojnë jashtë Stadio Meazza deri në një njoftim të mëtejshëm.”
Ata janë të zemëruar pasi disa tifozë janë “vënë në listë të zezë” dhe nuk lejohet të hyjnë në stadium, ndërsa ka kufizime për flamujt dhe pankartat e tyre, të cilat duhet të marrin leje për t’u shfaqur.
Deklarata gjithashtu bën thirrje që tifozët e tjerë në stadium të bashkohen me protestën duke qëndruar ulur në vendet e tyre në heshtje.
Mottoja e përcjellë nga grupet e Interit dhe Milanit për audiencën jashtë Curva-ve të tyre është: “Shijoni teatrin tuaj.”/GazetaExpress/
