Tifozët e Manchester City janë të shqetësuar se një marrëveshje me Lyon dhe përfaqësuesin francez Rayan Cherki mund të mos finalizohet.

Tifozët e Manchester City kanë shprehur shqetësim për transferimin e mundshëm të Rayan Cherki pas aktiviteteve të tij të fundit në rrjetet sociale.

Pas një sezoni zhgënjyes që nuk solli trofe, City po lëviz me shpejtësi për të mbyllur pjesën më të madhe të transferimeve të verës para se të nisë fushatën në Kupën e Botës për Klube më 18 qershor.

Me Jack Grealish që thuhet se është i gatshëm të largohet nëse klubet e interesuara paguajnë 40 milionë paund, City ka rënë dakord për transferimin e mesfushorit të AC Milan, Tijjani Reijnders, dhe të mbrojtësit të majtë të Wolves, Rayan Ait-Nouri, dhe janë të gatshëm të paguajnë 81 milionë paund për të dy lojtarët.

Por ata gjithashtu po përpiqen të sjellin në ekip organizatorin e lojës të Lyon, Cherki, si zëvendësues i Kevin De Bruyne që pritet të largohet, dhe duket se janë bërë hapa pozitivë drejt një marrëveshjeje prej 35 milionë paund për 21-vjeçarin.

Simon Mullock nga “The Mirror” raportoi se City ka rënë dakord për kushtet personale me Cherki, i cili pritet të bashkohet me të përmendurit e tjerë në ditët në vijim.

Megjithatë, ai është aktualisht me kombëtaren franceze dhe emocionoi tifozët e City-t me një paraqitje të jashtëzakonshme në humbjen 5-4 ndaj Spanjës në gjysmëfinalen e Ligës së Kombeve të enjten mbrëma.

Në debutimin e tij me ekipin e parë të Francës, Cherki realizoi një volej fantastik për ta çuar rezultatin në 5-2 dhe më pas asistoi golin e Randal Kolo Muani në kohën shtesë me një krosim të shkëlqyer nga e djathta.

Çfarë bëri Rayan Cherki në Instagram?

Si përgjigje ndaj paraqitjes së tij mbresëlënëse, producenti parizian i muzikës DJ Snake komentoi në Instagram: “The price went up @ManCity” (Çmimi është rritur @ManCity).

Ky koment u pëlqye nga Cherki pas ndeshjes, duke shkaktuar shumë reagime tek tifozët e City-t.

Një tifoz shkroi në X: “Nuk dua të të fus panik, por shiko këtë hahaha.”

Një tjetër tha: “Na duhet një ‘here we go’ patjetër.”

Një i tretë shtoi: “Kujt i plas, ai i vlen çdo qindarkë!!”

Ndërsa një i katërt shprehu shqetësim, duke komentuar: “Nëse Lyon e rriti çmimin pas asaj paraqitjeje, shoh një botë ku City tërhiqet nga negociatat…”

Çfarë ka thënë Rayan Cherki për të ardhmen e tij?

Cherki raportohet gjerësisht se ka rënë dakord për një kontratë pesëvjeçare me City-n dhe lojtari dukej se e konfirmoi një marrëveshje që është gati të përfundojë pas debutimit të tij me Francën.

Duke folur për “Telefoot”, nëpërmjet “The Mirror”, Cherki tha: “Po bëhet. Por e dini tashmë përgjigjen time, të gjithë e dinë. Por ka ende një ndeshje për të luajtur. Tani duhet të kënaqemi dhe të japim gjithçka, por pas saj do të përfundojë.”

City duhet të lëvizë shpejt për ta njoftuar marrëveshjen para të martës, e cila është afati i fundit për të regjistruar lojtarë të rinj për Kupën e Botës për Klube.

Cherki ka ende angazhime me Francën, pasi ata do të përballen me Gjermaninë në ndeshjen për vendin e tretë të Ligës së Kombeve të dielën.

Nëse ai nuk largohet nga Lyon këtë verë, Cherki do të zgjasë kontratën e tij deri në vitin 2027 si pjesë e një klauzole në kontratë.

Cherki shënoi 12 gola dhe dha 20 asiste në të gjitha garat për Lyon në sezonin 2024/25. /GazetaExpress/